Funny Shayari

Who doesnt like Funny Poetry, people of pakistan love Urdu Funny Poetry. Funny Poetry is known as Mazahiya Shayari, Mazahia Shayarior Funny Shayari. Urdu Funny Poetry is loved in pakistan, so we have a huge collection of Urdu Funny Poetry lined up for our visitors to read.

Mera dil teri hi mohabbat ke liye hai..

Mera dil teri hi mohabbat ke liye hai,
Magar yeh offer mehdood muddat ke liye hai..

Hum ishq mein bhi kamaaal kartey hain..

Hum ishq mein bhi kamaaal kartey hain,
“I love you” likh kar “send to all” karte hain..

Kal jab milay thay to dil me hua eik sound..

Kal jab milay thay to dil me hua eik sound,
Or aaj milay to kehte ho your file not found,

Jo muddat se hota aaya hai wo repeat kar dunga,
Tu na mili to apni zindagi ctrl+alt+delete kar dunga,

Shayad mere pyar ko taste karna bhool gaye,
Dil se aisa cut kia ke paste karna bhool gaye,

Lakhon honge nigah me, kabhi mjhe bhi pick karo,
Mere pyar ke icon pe kabhi to double click karo..

Hai aap ke honton pe jo muskaan wagera..

Hai aap ke honton pe jo muskaan wagera,
Qurbaan gaye is pe dil-o-jaan wagera,

Billi to yunhi muft main badnaam huyi,
Thailay mein to kuch aur tha samaan wagera,

Be’hirss o gharzz farzz adaa ki jiye apna,
Jis tarah police karti hai chalaan wagera,

Ab hosh nahin koi ke badaam kahan hai,
Ab apni hatheli pe hain dandaan* wagera,

Har shirt ki bushratt bana dali hai Anwar,
Yun chaak kiya hum ne garebaan* wagera..

(dandaan;artificial teeth)(garebaan;collars)

Dhoka mila jab pyar main..

Dhoka mila jab pyar main,
Zindagi mein udaasi chaa gayi,

Socha tha chorr dain is raah ko,
Kambhakht mohalley mein dusri agayi.. 

Us ka naam “Allah-Rakhi” hai..

Meray dil mai dhoom jis larki ne mcha “rakhi” hai
Naam us shokh Haseena ka “Allah-rakhi” hai

Main “Allah-rakha” hoon, Wo “Allah-rakhi” hai
Shayad Allah ny wo mere liye hi bana “rakhi” hai

Kehtay hain k “rakhi”hui cheez hi kaam aati hai
Is liye mene”rakhi” se laga”rakhi” hai

Ab Haqiqat to ye batany k liye “rakhi” hai
Ke “rakhi” ne raton ki neend ura “rakhi” hai

Ye kya tumne “rakhi rakhi” laga “rakhi” hai
Kambakht”rakhi” ne to ksi or se laga “rakhi” hai.

Main apne ghar geya tha woh jab apne ghar gayi

Main apne ghar geya tha woh jab apne ghar gayi,
Phir mujh ko kya khabar ke wahan se kidhar gayi..

Mard Honi Chahiye, Khatoon Hona Chahiye..

Mard Honi Chahiye, Khatoon Hona Chahiye,
Ab Grammer Ka Yehi Kanoon Hona Chahiye,

Nursery Ka Daakhla Bhi Ab Sar’sari Mat Janiye,
Aap Ke Bache Ko Aflaatoon Hona Chahiye,

Raat Ko Bache Parhayi Ki Aziyat Se Bache,
In Ko TV Ka Bohat Mamnoon Hona Chahiye,

Doston English Zaroori Hai Hamare Wastey,
Fail Honey Ko Bhi Koi Mazmoon Hona Chahiye,

Sirf Mehnat Kya Hai Anwar Kamyaabi Ke Liye,
Koi Ooper Se Bhi Telephone Hona Chahiye..

(khatoon;lady)(sar’sari;easy)(mamnoon;thankfull)

Tujhe Mujhse Mujko Tujse Jo Bohat Hi Pyar Hota..

Tujhe Mujhse Mujko Tujse Jo Bohat Hi Pyar Hota,
Na Tujhe Qaraar Hota Na Mujhe Qaraar Hota,

Tera Har Marz Ulajhta Meri Jaan-e-natwaan Se,
Jo Tujhe Zukaam Hota Tou Mujhe Bukhaar Hota,

Jo Mein Tujko Yad Karta Tujhe Cheenkna Bhi Parta,
Mere Sath Bhi Yakeenan Yehi Bar Bar Hota,

Kisi Chowk Mein Lagate Koi Chooriyon Ka Khokha,
Tere Sheher Mein Bhi Apna Koi Karobaar Hota,

Gham-o-ranj Aashiqana Nahin, Calculator’aana,
Isey Mein Shumaar Karta Jo To Be’shumaar Hota,

Wahan Zer-e-behess Atey Khat-o-haal O Huye-hubaan,
Gham-e-ishq Per Jo Anwar Koi Seminar Hota..

(zukaam;flu)(khokha;stall)(zer-e-behess;under discussion)(khat-o-haal;situation)(huye-hubaan;situation)

Bass matric kar lo :D

Nigaahain aaj bhi us shakhs ko talash karti hain Faraz,
Jis ne kaha tha bass “Matric” karlo agey parhai asaan hai..  

Uska rishta na hone ka bayas uska abba tha

Uska rishta na hone ka bayas uska abba tha,
Sab khairaan the usne aisa abba kahan se labba tha,

Samajh nahi aati bati dhaarein wo kiss se bahkhshaye,
Uski maa to feeder thi, aur suke doodh ka dibba tha,

Us jagah par kafi loki manatein mangne pohanche,
Pichle ware jaha par humne, moya kukad dabba tha.

(Labba;find)(Suke Doodh;Milk Powder)(Moya;Dead)(Kukad;Cock)

Wo HamSafar Tha Magar Uske Achi Kamai Na thi

Wo HamSafar Tha Magar Uske Achi Kamai Na thi,
K Soup, Chai Usne Kabi Pilai Na Thi…

Sardiyan Thin, Flu Tha, Cough Thi Magar,
Pagal Ke Pass Sab Kch Tha, Ek Dawai Na Thi…  

Ye baat samajh me aayi nahi, Aur mummy ne samajhai nahi…

Ye baat samajh me aayi nahi,
Aur mummy ne samajhai nahi.

Mai kaise mithi baat karu?
Jab mithi chiz koi khai nhi.
Ye chand kaise maamu hai?
Jab mumy ka wo bhai nahi.

Kyu lambe baal hai bhaalu ke?
Kyu usne triming karai nahi.
Kya wo bi ganda bachha hai?
Ya jungle me koi naai nahi.

Nana ki biwi jab nani hai,
Dada ki biwi jab dadi hai.
Papa ki biwi kyon papi nahi?

Samundar ka rang kyu neela hai?
Jab neel kisi ne milai nahi.
Jab school me itni neend aati hai.
Toh kyu bed waha rakhwai nahi?

Ye baat samajh mein aayi nahi
Aur mummy ne samjhai nhai.

Kolavari di, The funny exams version.

Exam song !
Why this examveri examveri examveri di…
Distancile frnd frnd, frnd mind sharp.
Exam teachr strict strict, my future dark…
Why this examveri examveri examveri di..
White color paper paper, paper print black , eyes eyes meet meet all the time waste..
Why this examveri examveri examveri di..
Pe pe pa pan pe pe pa pan
seriya vasi
ready 1 2 3 4..
Tune changes..
Kayila paper.. Only englsh..
Handla paper, paper question eyes fulla tearu..
Empty brain , exam come , life revers gear..
Frnd u frnd u oh my frnd pls show me answrs nw u..
God i m dying nw
pls make me pass nw..

Jo mere sawal ka jawab dega wo ghr ja skta hy

Teacher:

Jo mere sawal ka jawab dega wo ghr ja skta hy.,

Pathan ne foran apna bag khirki se bahir phenka..

Teacher:
Ye bag kis ne phenka hai..???
;>
,
Pathan:

Main ne ….. yahooo.. … Chutti 

Teacher shocked… :
<. .Pathan Rocked…:<.