Ibn-e-Insha Poetry

Ibn e Insha is well known for his sufi poetry. Ibn e Insha was a super famous pakistani poet who wrote poetry on life and love. We will be adding more and more Ibn e Insha poetry everyday so keep visiting us for more of his poetry.

Kal chodhween ki raat thi, shab bhar raha charcha tera..

Kal chodhween ki raat thi, shab bhar raha charcha tera,
Kuch ne kaha yeh chaand hai, Kuch ne kaha chehra tera,

Hum bhi wahin mojood they, hum se bhi sab poocha ke yeh,
Hum hanss diye hum chup rahe, manzoor tha parda tera,

Iss sheher mein kis se milen, hum se to choottin mehfilein,
Har shakss tera naam le, har shakss deewana tera,

Bedard! sunte ho to chal, kehta hai kya achi ghazal,
Aashiq tera, ruswaa tera, shaayer tera, Insha tera..

Yeh bacha kesa bacha hai..

Yeh bacha kesa bacha hai,
Jo rait pe tanhaa betha hai,

Na is ke paitt main roti hai,
Na is ke tan pe kaprra hai,
Na is ke sar pe topi hai,
Na is ke pair main joota hai,
Na is ke pass khilone hain,
Koi bhaalu hai koi ghorra hai,

Na is ka jee behlaane ko,
Koi lori hai koi jhoola hai,
Na is ki jaib main dhaila hai,
Na is ke hath main paisa hai,
Na is ke ami abu hain,
Na is ki aaya khala hai,

Yeh saare jag main tanha,
Yeh bacha kis ka bacha hai,
Yeh bacha kesa bacha hai..

Hum ko aik jagha araam kahan..

Hum jungle ke jogi, hum ko aik jagha araam kahan,
Aaj yahan, kal aur nagar, subah kahan to shaam kahan..

Aaj to hum ko paagal keh lo..

Aaj to hum ko paagal keh lo, pathar phenko, tanzz kar lo,
Ishq ki baazi khel naheen hain, khelo ge to haaro ge..

Bhala gardish e Falak falak chain deti hai kisay Ansha !

Bhala gardish e Falak falak chain deti hai kisay Ansha !
Ghaneemat hai kah hum soorat yahan do chaar bethay hain

Dil dard ki shiddat se – Darwaza khula rakhna..

Dil dard ki shiddat se khoon-gashta-o-see paara,
Is sheher mein phirta hai ek wehshee-o-awara,
Shayar hai ke aashiq hai, jogi hai ke banjara,
Darwaza khula rakhna,

Seene se ghata uthe, aankhon se jhari barse,
Phaagan ke nahi badal, jo chaar ghadi barse,
Barkha hai ye bhaado ki, barse to badi barse,
Darwaza khula rakhna,

Aankhon mein ek alam, aankhon mein to duniya hai,
Honthon pe magar mohrein, munh se nahi kehta hai,
Kis chiz ko kho baitha hai, kya dhundne nikla hai,
Darwaza khula rakhna,

Haan thaam mohabbat ki gar thaam sake dori,
Sajan hai, tera sajana, ab tujhse to kya chori,
Yeh jis ki manaadi hai basti mein teri gori,
Darwaza khula rakhna,

Shikwon ko utha rakhna, aankhon ko bichha rakhna,
Ek shama dareeche ke chaukhat pe jala rakhna,
Mayoos na phir jaaye, haan paas-e-wafa rakhna,
Darwaza khula rakhna darwaza khula rakhna.

Phir se ankhoon main khawab Inshaa Ji ?

Phir se ankhoon main khawab Inshaa Ji,
Ijtenaab, Ijtenaab, Ijtenaab Inshaa Ji…!!!

(Ijtenaab:Refrain, Keep away)

Darwaaza khula rakhna – Ibn e Insha

Dil dard ki shidat se hoon gashta wasi para,
Is sheher mein mein phirta hai ik wehshi o awaara,
Shaayer hai ke aashir hai, Jogi hai ke banjaara,

Darwaza khula rakhna,

Seeney se ghataa uthey, ankhon se jharri barse,
Phaagan ka nahin badal, jo chaar ghari barse,
Barkha hai yeh bhadon ki, Barse to bari barse,

Darwaza khula rakhna,

Ankhon mein to ik aalam, Ankhon mein to dunya hai,
Honthon pe magar mohrain, Mu’n se nahin kehta hai,
Kis cheez ko kho betha, Kya dhoondne nikla hai,

Darwaza khula rakhna,

Haan thaam mohabbat ki gar thaam sake dori,
Sajan hai tera saajan, Ab tujh se to kya chori,
Yeh jis ki manaadi hai basti mein teri gori,

Darwaza khula rakhna,

Shikwon ko utha rakhna, Ankhon ko bacha rakhna,
Ik shamma dareechey ki chokhat pe jala rakhna,
Mayoor na phir jaye, Haan paas wafaa rakhna,

Darwaza khula rakhna,
Darwaza khula rakhna.

Dil hijr k dard se bojhal hai, ab aan milo to behter ho

Dil hijr k dard se bojhal hai, ab aan milo to behter hai,
Is baat se hum ko kya matlab, yeh kaise ho yeh kyun kar ho?

Ik bheek k donon kaasay hain, ek pyaas k donon pyaase hai,
Hum khaiti hain, tum baadal ho, hum nadiya hain tum saagar ho!

Yeh dil hai k jalte seene mein, ik dard ka phora alhar sa,
Na gupt rahe na phoot bahe, koi marham ho koi nishtar hai,

Hum saanjh samay ki chhaya hain, tum charhti raat k chandar maan
Hum jaate hain, tum aate ho, phir mail ki soorat kyun kar ho!

Ab husn ka rutba aali hai, ab husn se sehra khaali hai,
Chal basti mein banjaara ban, chal nagri mein saudagar ho,

Jis cheez ki tujh ko nisbat hai, jis cheez ki tujh ko chahat hai,
Woh sona hai woh heera hai, woh maati ho ya kankar ho,

Ab Insha ji ko bulana kya, ab pyar k deep jalana kya
Jab dhoop aur chhaya ek se hon, jab din aur raat barabar ho,

Woh raaten chaand k saath gayin, woh baatein chaand k saath gayin,
Ab sukh k sapne kya dekhein, jab dukh ka sooraj sar par ho…

(Judai:Separation)(Mail:Meet)(Phora:Pimple)(Rutba:Stage,Level)

Karogy Bahana kia

Insha G utho ab kooch karo..
Iss shehr me g ka lagana kya

Wehshi ko sukoon se kya matlab
Jogi ka nagar me thikana kya

Iss dil k darida daman me
Dekho to sahi socho to sahi

Jis jholi me sou chhaid huay
Uss jholi ka phailaana kya

Shab beeti,chaand bhi doob chala
Zanjeer parri darwazy par

Kyun dair gaey ghar aaey ho
Sajni se karo gay bahaana kya

INSHA G utho ab kooch karo
Iss shehr me G ka lagaana kya…

puch lena tha kisi khak basar se pehle

chal diye uth k su-e-shahar-e-wafa ku-e-habib
puch lena tha kisi khak basar se pehle

ishq pehle bhi kiya hijr ka gam bhi dekha
itne tarpe hain na ghabraye na tarse pehle

ji bahalta hi nahin ab koi saat koi pal
rat dhalti hi nahin char pahar se pehle

ham kisi dar pe na thithak na kahin dastak di
saikaron dar the meri jan tere dar se pehle

chand se ankh mili ji ka ujala jaga
ham ko so bar hui subah sahar se pehle

puch lena tha kisi khak basar se pehle

chal diye uth k su-e-shahar-e-wafa ku-e-habib
puch lena tha kisi khak basar se pehle

ishq pehle bhi kiya hijr ka gam bhi dekha
itne tarpe hain na ghabraye na tarse pehle

ji bahalta hi nahin ab koi saat koi pal
rat dhalti hi nahin char pahar se pehle

ham kisi dar pe na thithak na kahin dastak di
saikaron dar the meri jan tere dar se pehle

chand se ankh mili ji ka ujala jaga
ham ko so bar hui subah sahar se pehle