Gham Shayari

Gham Shayari is poetry on sadness and sorowness. People read Gham Shayari when they feel hurt and ignored. Lots of Gham Poetry or Gham Shayari can be found here for our users to read and enjoy.

Aik wehshat hai ke hoti hai achaanak taari..

Aik wehshat hai ke hoti hai achaanak taari,
Aik gham hai ke yaka’yak* hi ubal parrta hai..

(yaka’yak:achaanak, suddenly)

Ik kiran bhi to nahi gham ki andheri raat mein..

Ik kiran bhi to nahi gham ki andheri raat mein,
Koi jugnu, koi aansu, koi taara kuch to ho..

Aashnaa hona tha kisi taur gham se..

Aashnaa hona tha kisi taur gham se,
Tum na hote to kisi aur se bichrre hote..

Tere gham ke siwaa zamane mein..

Tere gham ke siwaa zamane mein,
Kon se gham ka ilaaj naheen…

Aye gham-e-zindagi na ho naraaz..

Aye gham-e-zindagi na ho naraaz,
Mujhe ko aadat hai muskuraane ki..

Ghamon se ulajh kar jeena meri fitrat hai..

Ghamon se ulajh kar muskurana meri fitrat hai,
Mujhe nakamiyon per asshk bahana nahi ata..

Khareed loon ga teri saari udaasiyan..

Khareed loon ga teri saari udaasiyan,
Sikkay mere mizzaj ke jis din chal gaye..

Tumhe kis baat ka gham hai..

Agar woh pooch lein hum se, tumhe kis baat ka gham hai,
To phir kis baat ka gham hai, agar woh pooch lein hum se..

Liptta hai mere dil se kisi raaz ki maanind..

Liptta hai mere dil se kisi raaz ki maanind,
Woh shakhss jis ko mera hona bhi nahin hai..

Dair to lagti hai us ko bharne mein..

Dair to lagti hai us ko bharne mein,
Jis zamkhm mein shamil ho apno ki inayat..

Usey kaho ke hum us ke baghair jee lein ge..

Usey kaho ke hum us ke baghair jee lein ge,
Yeh gham agarchey zyada hai aadmi ke liye..

Gham mein bhi khushi na hui..

Teri khushi se agar gham mein bhi khushi na hui,
Woh zindagi to mohabbat ki zindagi na huiii…

Gham is tarah raha hai musalsal..

Gham is tarah raha hai musalsal khushi ke sath,
Saaya ho jis tarah se laga roshni ke saath..

Gham ki tashreeh bohat mushkil thi..

Gham ki tashreeh* bohat mushkil thi,
Apni tasveer dikhaa di hum ne..

(tashreeh;explanation)

Gham-e-zindagi ko Adam sath le ker..

Gham-e-zindagi ko Adam sath le ker,
Kahan ja rahe ho, saweray saweray..