Judaii Shayari

Judaii Shayari is poetry on separation and the loneliness one feels after a break up. This is another depressing and grieving form of urdu poetry.Judaii Poetry is loved by people who have been ditched by someone.Judaii Shayari is also loved by people who are waiting for their loved ones for long time.

Doori ne kar diya hai tujhe aur bhi qareeb..

Doori ne kar diya hai tujhe aur bhi qareeb,
Tera khayaal aa ker na jaaye to kya karoon..

Bicharr ke mujhse kis ka muntazir hoga..

Khuda jaane bicharr ke mujhse kis ka muntazir hoga,
Hain muddat se muntazir jis ke waastey aankhein ..

Qaraar dil ko sadaa jiss ke naam se aya..

Qaraar dil ko sadaa jiss ke naam se aya,
Woh aaya bhi to kisi aur kaam se aaya..

Aane main sadaa dair lagate hi rahe tum..

Aane main sadaa dair lagate hi rahe tum,
Jaate rahe hum jaan se aate hi rahe tum..

Jiss ka aik misraah main hoon aur aik tum..

Jiss ka aik misraah main hoon aur aik tum,
Bas wohi sher mukammal nahin hone wala..

Woh ke jis ke hijr main bhi lazzat hai..

Woh ke jis ke hijr main bhi lazzat hai,
Jo kabhi aa mila to saa’at-e-visal kya hogi..

(saa’at-e-visal:moment of meeting, milne ki gharri)

Bohat dinon se tha us ko na dekhne ka ranjj..

Bohat dinon se tha us ko na dekhne ka ranjj,
Jo aaj dekha to kuch aur bhi malaal hua..

Qataa kijiye na taluq hum se..

Qataa kijiye na taluq hum se,
Kuch nahi hai to adaavat hi sahi..

Aankh se door na ho dil se utar jaye ga..

Aankh se door na ho dil se utar jaye ga,
Waqt kya hai, guzarta hai guzar jaye ga..

Hum ne khud se bhi chupaya..

Hum ne khud se bhi chupaya aur saare sheher ko,
Tere jaane ki khabar dewaar-o-dar karte rahe..

Mujh se bichrre arsaa beeta..

Mujh se bichrre arsaa beeta,
Ab woh kis se larrta ho ga..

Khawb aankhon se gaye neend raaton se gayi..

Khawb aankhon se gaye neend raaton se gayi,
Woh gaye to laga zindagi haathon se gayi..

Anaaa ka maamla darpaish tha magar …

Anaaa ka maamla darpaish tha magar haqeeqat mein,
Usey meri, mujhe us ki zaroorat mehsoos hoti hai..

Maine khoya woh jo mera thaa hi nahin..

Thukraa ke us ne mujhe kaha ab muskuraa bhi do,
Main hanss di, aakhir sawaal us ki khushi ka tha,

Maine khoya woh jo mera thaa hi nahin,
Uss ne khoya woh jo sirff ussi ka tha..