Tanhai Shayari

Tanhai Poetry is poetry on being lonely. People read Tanhai Poetry andTanhai Shayari when they are left alone and feeling lonely. Tanhai Shayariis usually a bit depressing to read bit it lets you feel better.

Mizaaj-e-yaar se joon joon shanaasa hota jata hoon..

Mizaaj-e-yaar se joon joon shanaasa hota jata hoon,
Main tanha, aur tanha, aur tanhaa hota jata hoon..

Kissi ke shor se jaaga kare koi kahin..

Kissi ke shor se jaaga kare koi kahin,
Kahin khamoshi kisi ko sone nahi deti..

Mujh ko iss raat ki tanhai me awaaz na do..

Mujh ko iss raat ki tanhai me awaaz na do,
Jis ki awaaz rula de mujhe woh saaz na do..

Hosh main jab tak raha tanha raha..

Hosh main jab tak raha tanha raha ghamgeen raha,
Ab hoon deewana to ek aalam mera deewana hai..

Jo adhoori reh gayi thi woh kahani sochna..

Jo adhoori reh gayi thi woh kahani sochna,
Beth kar tanhaa batain puraani sochna..

Tanhai yahan log aur bohat rehte hain..

Shab-e-tanhaai yahan log aur bohat rehte hain,
Tujh ko har roz mera makaan milta hai..

Sarrkon pe ghoomne ko nikale hain shaam se..

Sarrkon pe ghoomne ko nikale hain shaam se,
Asaib apne kaam se, hum apne kaam se..

Dekhtaa chal apne saaye ki taraf..

Ehteyaat’an dekhtaa chal apne saaye ki taraf,
Iss tarah shayed tujhe ehsaas-e-tanhai na ho..

Maine dekhe huye hain woh lamhe..

Maine dekhe huye hain woh lamhe,
Khamoshi jab kalaam karti hai..

Wohi hua na woh sehraa mizaaj chorr geya..

Wohi hua na woh sehraa mizaaj chorr geya,
Tumhe kaha bhi tha raste ko ghar nahi kehte..

Ab to mehfil se bhi hota nahi gham ka ilaaj..

Ab to mehfil se bhi hota nahi gham ka ilaaj,
Pehle tanhaayi bhi dukh baant liya karti thi..

Tanhaayiyan kuch is tarah se ddasne lagi mujhe..

Tanhaayiyan kuch is tarah se ddasne lagi mujhe,
Main aaj apne paaon ki aaahat se ddar geya..

Dil ke sehraa mein kab aalam-e-tanhai hai..

Dil ke sehraa mein kab aalam-e-tanhai hai,
Jab bhi dekha teri tasveer nazar aayi hai..

Main apni tanhaayion se tang aa kar..

Main apni tanhaayion se tang aa kar,
Bohat se aayine khareeed laya hoon..

Samaan ko baandhey huye is soch me gum hoon..

Apne samaan ko baandhey huye is soch me gum hoon,
Jo kahin nahin rehte, woh kahan jaatey hain…