Yaad Shayari

Yaad Shayari and Yaad Poetry is poetry on missing someone. Yaad Shayari, Yaadain Shayari, Shayari on yaad are some keywords used to search for Yaad Poetry.

Ik wohi shakss mujhe yaad raha..

Ik wohi shakss mujhe yaad raha,
Jiss ko samjha tha bhool jaonga..

Dil me kisi ki yaad ka tufaan reh geya..

Dil me kisi ki yaad ka tufaan reh geya,
Janab khud to chal diye samaan reh geya..

Tumhari yaad ki paiwand lag gayi warna..

Tumhari yaad ki paiwand* lag gayi warna,
Mere wajood ki urr jati dhajjiyan kitni..

(paiwand:bandage)

Teri qurbat to muqaddar hai mile ya na mile..

Teri qurbat to muqaddar hai mile ya na mile,
Teri yadon se bhi mil jati hai rahat hum ko..

Pukaarte hi rahe dar dar pe bheek yaadon ki..

Pukaarte hi rahe dar dar pe bheek yaadon ki,
Na koi raas aaya aap ke siwaa mujh ko..

Yaadon ki aag thi ke khayaalon ki chandni..

Yaadon ki aag thi ke khayaalon ki chandni,
Shaab bhar mere makaan main aik roshni rahi..

Jab jab usey socha dil thaam liya mene..

Jab jab usey socha dil thaam liya mene,
Insan ke hathon se insan pe kya guzri..

Dil dharrakne ka sabbab yaad aaya..

Dil dharrakne ka sabbab yaad aaya,
Woh teri yaad thi ab yaad aaya..

Meri yaadon se kuch talkhiyaan bhi theen..

Wabassta meri yaadon se kuch talkhiyaan bhi theen,
Achaa kiya jo mujh ko faramosh kar diyaa..

Tasleem karte hain humain fursat nahi milti..

Hum tasleem karte hain humain fursat nahi milti,
Magar jab yaad karte hain zamana bhool jate hain..

Kya khoob hota ke yaadain rait hoti’n..

Kya khoob hota ke yaadain rait* hoti’n,
Muthi se gira dete, paaon se urra dete..

(rait;sand)

Khuda ke dar pe bhi gunaah’gaar hota hoon..

Main khuda ke dar pe bhi gunaah’gaar hota hoon,
Woh shakhss mujhe sajdon mein jo yaad ata hai..

Bohat dair se koi hichki nahin ayi..

Bohat dair se koi hichki nahin ayi,
Bhoolne walon ki khuda khair kare..

Yoon tassawur mein barasti hain purani yadein..

Yoon tassawur mein barasti hain purani yadein,
Jese barsaat mein rim jhimm ka samaan hota hai..

Ik yaad hai teri jo sambhaali nahi jaati..

Ik yaad hai teri jo sambhaali nahi jaati,
Ik qarzz liya jo adaa ho nahi saktaa..