Mohsin Naqvi Poetry

Mohsin Naqvi is our personal favorite poet. Mohsin Naqvi’s Poetry tends to be so relaxing and so soothing to the heart which is inexpressible in words. Mohsin Naqvi was believed to be murdered in 1996. Who on earth would have thought that such kind of legends would get murdered one day.
We have got plenty of Sir Mohsin Naqvi poetries here at Ranjish.com so you can enjoy.

Kho gayi subah ki umeed aur ab yoon lagta hai..

Kho gayi subah ki umeed aur ab yoon lagta hai,
Hum nahi hon ge ke jab hon ge ujaale Mohsin..

Iss sheher main aesi bhi qayamat na hui thi..

Iss sheher main aesi bhi qayamat na hui thi,
Tanha they magar khud se to wehshat na hui thi,

Yeh din hai ke yaron ka bharosa bhi nahi hai,
Woh din they ke dushman se bhi nafrat na hui thi,

Ab saans ka ehsaas bhi ek baar-e-giraan hai,
Khud apne khilaaf aesi baghavat na hui thi,

Ujrre huye iss dil ke har ik zakhm se pucho,
Iss sheher mein kis kis se mohabbat na hui thi,

Ab tere qareeb aa ke bhi kuch soch raha hoon,
Pehle tujhe kho kar bhi nadamat na hui thi,

Khawabon ke hawa raas thi jab tak mujhe Mohsin,
Yoon jaagte rehna meri aadat na hoi hui..

Khushi ka gham hai na gham ki khushi ab to..

Khushi ka gham hai na gham ki khushi ab to,
Bohat udaas guzarti hai zindagi ab to..

Sirf eik tarq-e-etaluq ke liye..

Sirf eik tarq-e-etaluq ke liye,
Tu ne dhoonde hain bahane kya kya..

Meine dekha tha un dinon mein usey..

Meine dekha tha un dinon mein usey,
Jab woh khilte gulaab jesa tha,
Us ki palkon se neend chanti thi,
Us ka lehja sharaab jesa tha,

Us ki zulfon se bheegti thi ghataa,
Us ka rukh mahtaab jesa tha,
Log parhte they haal-o-khad us ke,
Woh adab ki kitaab jesa tha,

Bolta tha zubaan khushbuu ki,
Log sunte they dharkinon mein usey,
Mene dekha tha un dinon mein usey,

Sari aankhen thi ayiney us ke,
Sarey chehron mein intikhaab tha woh,
Sab se ghul mil kar ajnabi rehna,
Aik darya numaa saraab tha woh,

Khawb yeh hai ke woh haqeeqat tha,
Yeh haqeeqat hai khawb tha woh,
Dil ki dharti pe asmaan ki tarah,
Suurat-e-saya-e-sahaab tha woh,

Apni neendein bhi us ki nazar hui’n,
Mene paaya tha rat jaggon mein usey,
Mene dekha tha un dinon mein usey,

Jab woh hans hans ke baat karta tha,
Dil ke haimey mein raat karta tha,
Rang parrhte they anchlon mein usey,
Mene dekha tha un dinon mein usey,

Yeh magar dair ki kahani hai,
Yeh magar door ka fasaana hai,
Us ke mere milaap mein haayel,
Ab to sadiyon bhara zamana hai,

Ab to hai haal apna bhi,
Dasht-e-hijraan ki shaam jjesa hai,
Kya khabar woh in dinon kesa hoga,
Mene dekha tha un dinon mein usey..

Issi khayaal se guzri hai shaam-e-dard aksar..

Issi khayaal se guzri hai shaam-e-dard aksar,
Ke dard hadh se jo guzre ga muskuraa doon ga..

Woh khul kar na ro saka ho ga..

Hajoom mein tha, woh khul kar na ro saka ho ga,
Magar yakeen hai ke shab bhar na so saka ho ga..

Teri muntazir theen woh ankhen hi bujh gayin.

Jo teri muntazir theen woh ankhen hi bujh gayin,
Ab kyun sajaa raha hai charaaghon se shaam ko..

Tere hijar main aur mujhe kya karna hai..

Tere hijar main aur mujhe kya karna hai,
Tere naam kitaabein likhtaa rehta hoon..

Zindagi log jisey marham-e-gham jaantey hain..

Zindagi log jisey marham-e-gham jaantey hain,
Jis tarah hum ne guzaari hai woh hum jaantey hain..

Us ki chahat ka bharam kya rakhna..

Us ki chahat ka bharam kya rakhna,
Dasht-e-hijraan mein qadam kya rakhna,

Hanss bhi lena kabhi khud per mohsin,
Har gharri aankh ko namm kya rakhna..

Aawargi mei mohsin is ko b hunar jana..

Aawargi mei “mohsin” is ko b hunar jana,
Iqrar-e-wafa kerna, phir us se mukar jana

Jab khwab nahi koi, kya zindagi ka karna
Har subh ko jee uthna har raat ko mar jana

Shab bhar k thikane ko ik chatt k siwa kya hy,
Kya waqt pe ghar jana, kya dair se ghar jana,

Aisa na ho darya mei tum baar-e-garaa’n thehro,
Jab log ziada hon kashti se utar jana,

Suqraat k peene se kya mujh pe ayaa’n hota,
Khud zehr piya mei ne tab us ka asar jana,

Jab bhi nazar aao gy hum tum ko pukare’n ge,
Chaho to thehar jana chaho to guzar jana…

Munhasir Ehl-e-Sitam Per Hi Nahi’n Hai. .

Munhasir ehl-e-sitam per hi nahi’n hai ‘Mohsin’
Log apno’n ki enayat se bhi marr jatay hain. .

Diya Khud Se Bujha Dena

Diya Khud Se Bujha Dena
Hawa Ko Aur Kia Dena ?

Sitare Nochne Walo
Falak Ko Aasra Dena

Kabhi Is Taur Se Hansna
Ke Dunya Ko Rula Dena

Kabhi Is Rang Se Rona
Ke Khud Pe Muskura Dena

Main Teri Dastaras Chahun
Mujhe Aisi Dua Dena

Main Tera Barmla Mujrim
Mujhe Khul Kar Saza Dena

Main Tera Munfarid Sathi
Mujhe Hat Kar Jaza Dena

Mera Sar Sab Se Ooncha Hai
Mujhe Maqtal Naya Dena

Mujhe Acha Laga “Mohsin”
Ose Pa Kar Ganwa Dena