Islamic shayari

Islamic shayari is loved by all muslims. Islamic shayari and Islamic poetry are common keywords to search poetry on islam. we keep ourIslamic shayari collections fresh, so remember us whenever you like to read Islamic shayari.
People tend to search islamic poetries in the holy month of Ramadan, so its also called Ramadan Poetry

Madine main aesi fiza lag rahi hai..

Madine main aesi fiza lag rahi hai,
Ke jannat ki jesse hawaa lag rahi hai,

Madine pohanch kar zameen ko jo dekha,
Yeh jannat ka jese pata lag rahi hai..

Bazaar to sajaa diye milaad-e-mustafa ke waastey..

Bazaar to sajaa diye milaad-e-mustafa ke waastey,
Pegham-e-mustafa kya hai yeh hum ne bhula diya..

Toote huye rishte woh jorr deta hai..

Toote huye rishte woh jorr deta hai,
Baat apne rab per jo chorr deta hai,

Us ke lutf-o-karam ke kya kehne,
Laakhon maango crore deta hai..

Mitt jaye gunaahon ka tassawur hi jahan se..

Mitt jaye gunaahon ka tassawur hi jahan se Iqbal,
Agar ho jaye yakeen ke khuda dekh raha hai..

Ehsas-e-nidaamat, aik sajda aur chashm-e-tar..

Ehsas-e-nidaamat*, aik sajda aur chashm-e-tar*,
Aye khuda kitna aasan hai mananaa tujh ko..

(nidaamat;guilt,ghalti ka ehsas)(chashm-e-tar;eyes drenched with tears, aansuyon se bhari ankhain)

Jab mein kehta hoon Ya’Allah mera haal dekh..

Jab mein kehta hoon Ya’Allah mera haal dekh,
Hukkam hota hai ke apna naama amaal dekh..

Ya rab teri shan jal-e-jalaal hai..

Ya rab teri shan jal-e-jalaal hai,
Meri maang rizq-e-halaal hai,

Meri aajzii ko karo qabool,
Meri zindagi ka sawaal hai..

Aik muddat ke baad hum ne yeh jaana aye Khuda..

Aik muddat ke baad hum ne yeh jaana aye Khuda,
Ishq teri zaat se sacha hai, baki sab afsaney..

Is bharosay pe kar raha hoon gunaah..

Is bharosay pe kar raha hoon gunaah,
Bakhssh dena to teri fitrat hai..

Taleem-o-taraki mein hai peechey..

Khairat hai ke taleem-o-taraki mein hai peechey,
Jiss qaum ka aghaaz hi Iqraa se huaa thaa..

Rashq karta hai falak aesi zameen par..

Rashq karta hai falak aesi zameen par,
Jispe do chaar gharri zikr e khuda hota hai..

Karam jab Aaall-e-Nabi ka shareek hota hai..

Karam jab Aaall-e-Nabi ka shareek hota hai,
Bigar bigar ke har kaam theek hota hai..

Roz gunaah karta hu’n, woh chupata hai..

Roz gunaah karta hu’n, woh chupata hai Apni Rehmat se,
Mein majboor apni Aadat se, woh mash’hoor Apni Rehmat se…

Khudaa ko aik mantey hain lekin..

Khudaa ko aik mantey hain lekin,
Khudaa ki aik tak nahin mantey..